ചീവീട്...

ചത്ത ചീവീടിന്റെ സംഗീതത്തിന്-

ഇനിയും പ്രകടിപ്പിക്കാനാവാതെ പോയ-

പ്രണയത്തിന്റെ താളമുണ്ട്!

പങ്കുവെക്കപ്പെടാതെ പോയ-

രതിയുടെ വേദനയുമുണ്ട്!

പിറക്കാനാവാതെ പോയ കുഞ്ഞിന്റെ-

പുഞ്ചിരിയുണ്ട്!

പറന്നെത്താൻ കഴിയാതെ പോയ-

ദൂരങ്ങളുടെ വേഗമുണ്ട്!

ഇനിയും വിഘടിച്ചു തീർന്നിട്ടില്ലാത്ത-

നെഞ്ചിൻ കൂടിനുള്ളിൽ-

ആശ്ലേഷിക്കപ്പെടാതെ പോയ-

ഹ്രദയങ്ങളുടെ ചൂടുമുണ്ട്!

നഷ്ടപ്പെടുത്തലുകളെ ഓർമ്മപ്പെടുത്തി;

അവ എനിക്ക് ചുറ്റും പറക്കുന്നു!

ഇരുളിന്റ് ആഴങ്ങളിലെവിടെയോ നിന്ന്-

പ്രണയം തേടി, അവ ഇപ്പോഴും-

സംഗീതം പൊഴിക്കുന്നു!

ശരീരം; 

പ്രണയമല്ലെന്ന തിരിച്ചറിവോടെ......

                                                                                              നിയാസ്.പി.മുരളി